एडिलेडमा नै पहिलो पटक नेप्लिज इन एडिलेडले टेबल टेनिस प्रतियोगिता आयोजना गर्ने भएको छ । २०२० मार्च २१ शनिबारका दिन फ्रेस चुल्हो रेष्टुरेन्टमा आयोजना हुने भनिएको यस कार्यक्रममा करिब ५० जना प्रतियोगीहरुले भाग लिने जानकारी कार्यक्रम संयोजक सन्जिव लामिछानेले दिनुभयो ।
नेपालबाट एडिलेडमा बसोबास गर्दै आउनु भएका सम्पूर्ण नेपालीहरुलाई एकजुट पारी भाइचाराको सम्बन्ध कायम राख्नका निम्ति यस्ता कार्यक्रमको अहम भुमिका रहने कुरा सहर्ष जानकारी गराउदै यस कार्यक्रममा प्रतियोगीहरुलाई चार समुहमा बिभाजन गराएको कुराको सुचना प्रवाहा गर्नु भयो । समूह अन्तर्गत बच्चा समूह(१८ वर्ष मुनि) , पुरुष (१८-३५), महिला(१८-३५) र अर्को ३५ वर्ष माथिका प्रतियोगी रहनेछन् ।
कार्यक्रममा प्रवेश शुल्क $१० लाग्नेछ भने खाजा नास्ताको व्यवस्था पनि गरिएको कुरा आयोजक नेप्लिज इन एडिलेड ले बताएको छ । सम्पुर्ण नेपालीहरुलाई यस प्रतियोगितामा सहभागी हुन हामीले पनि हार्दिक अनुरोध गर्दछौं ।
