अस्ट्रेलीया घुम्न या अन्य बिभीन्न प्रायोजनमा आउनु भएका अभिभावकहरुलाई भेटघाट गराउने, सुखदुखका कुरा साटासाट गर्ने बाताबरण बनाउने उद्धेश्यका साथ दिदीबहिनी समाज भिक्टोरीयाको “Happy Women Happy Family” योजना अन्तर्गत दिदीबहिनी समाज भिक्टोरीयाले मेल्बोर्नको पश्चिममा अभिभावक हब बनाएको छ।
अभिभावकहरुबाटनै पाँच जनाको कार्य समिती बनाएर उहाँहरुलाई एकै साथ भेटघाट गराएर रमाईलो गराउने अभिप्राएका साथ खोलीएको यो समुहले आउदै गरेको होलीको अबसर पारेर होली कार्यक्रम आयोजना गर्न लागेको छ।
वेरेबीको रिभरवाक भिलेज पार्कमा ८ मार्चमा हुने यो रमाईलो कार्यक्रममा सबै मेल्बोर्नमा बस्ने छोरा छोरीले आफ्नो अभिभावकलाई सामेल गराएर रमाईलो अनुभुती दिलाउन मेल्वोर्न वेस्ट युनिटका कोअडीनेटर द्वय स्मृती घिमीरे र रोशनी श्रेष्ठको आग्रह गर्नु भएको छ। साथै पाएक परे सम्म खाना र रङ आफै ल्याउ समेत आग्रह गरिएको छ।
