फोकनर नेपाली समाज अस्ट्रेलियाद्वारा सरस्वती पुजाको अवसर पारेर सरस्वती पुजा तथा श्रीपन्चमी कार्यक्रम भब्य रुपमा सम्पन्न गरेको छ।
मेलबर्नको उत्तरी क्षेत्र स्थित फोकनर सिनियर सिटिजन हलमा गत शनिबार आयोजित विशेष कार्यक्रममा पन्डित बिमल आचार्यको नेतृत्वमा बिधी पुर्बक सरस्वति पुजा तथा आराधना गर्नुका साथै प्रसाद बितरण गरिएको थियो। कार्यक्रममा स्थानिय बालबालिकाले बिभिन्न गीतमा नृत्यहरु प्रस्तुत गरेका थिए।
सोल्भ एजुकेसनले प्रायोजन गरेको कार्यक्रममा फोकनर क्षेत्रमा बसोबास गर्ने १३० बडि को सहभागिता रहेको थियो।
मेल्बोर्नमा नेपालीहरु स्थाई रुपमा बसोबास गर्ने क्रम बढेसँगै आफु बसेको क्षेत्रका नेपालीलाई एकै ठाउँमा सङग्रहित गर्दै समाजहरु बनाउने क्रम निकै बढेको छ। आफ्नो कला, सँस्कृती, चाडबाढ, मात्रृभाषा प्रतीको चासो अनि यतै जन्मिएर हुर्किदै गरेको दोश्रो पुस्तालाई यी कुराहरु सिकाउन महत्वपुर्ण ठानेर मेल्बोर्नमा लगभग आधा दर्जन भन्दा बढि नेपाली पाठशालाहरु सँचालनमा आएका छन् जहाँ नेपाली भाषा बोल्न र लेखाउनका साथसाथै नृत्यका कक्षा सन्चालन गरिदै आएको छ।
