सन्दिपकाे टिमकाे बलियाे लक्ष्य
बिग ब्यास लिगमा सन्दिप लामिछाने राम्रो बलिङ गरेका छन । पहिलो खेलमा पनि एक विकेट लिएका सन्दिपले आफ्नो विकेटको क्रम दोस्रो खेलमा पनि जारी राखे । उनले होबर्ट हुरीकेन्स विरुद्धको खेलमा एक विकेट लिए । मेलबर्न स्टार्सले पनि लगातार दोस्रो जित निकाल्यो ।
टस जितेर पहिले ब्याटिङ गरेको मेलबर्नले २० ओभरमा चार विकेट गुमाउँदै १६३ रन बनायो ।
बलियो सुरुवात गरेको मेलबर्नले पहिलो विकेटका लागि ८१ रनको साझेदारी गरेको थियो । जसमा उसका ओपनर नीक माडिन्सनले ४० रन बनाए । त्यसपछि बेन डुंक १९ रनमा आउट भएपछि मेलबर्नले एक सय १८ रनमा दोस्रो विकेट खेर फाल्यो ।
त्यसपछि मेलबर्नले अरु दुई विकेट सस्तैमा गुमाउन पुग्यो । अघिल्लो खेलमा उत्कृष्ट अर्धशतक बनाएका कप्तान ग्लेन म्याक्सवेल दुई रनमा आउट भए भने पिटर ह्याण्ड्सकोब तीन रनमा पेभेलियन फर्किए ।
उसका लागि मार्कुस स्टोनीसले अविजीत ८१ रन बनाए भने हिल्टोन कार्टराइटले १३ रन थपे ।
जवाफमा होबर्ट १५ ओभर ५ बलमा १११ रनमा अलआउट भयो । उसका दुई खेलाडीले मात्र दोहोरो अंक जोड्न सके । जसमा कालेब जेवेलले २५ रन बनाए उनलाई सन्दिप लामिछानेले आउट गरे ।
यस्तै माकालिस्टर राइटले १० रन बनाए । उसका ६ खेलाडीले दोहोरो अंक जोड्न सकेनन् । होबर्टको पारीलाई कमजोर पार्न ह्यारिस रउफले ५ विकेट लिए ।
source:cricnepal
