हरेक बर्ष जसो यस वर्ष पनि नेप्लिज एसोशियसन अफ भिक्टोरीया न्याभले बाल दिवस आयोजना गर्ने भएको छ। १५ सेप्टेम्बर आईतवारका दिन १०:३० देखी ३:३० बजे सम्म हुने सो कार्यक्रम कोबर्ग टाउन हलमा हुँदैछ।
मेल्बोर्नमा नेपाली भाषा पठनपाठन गराईने सात बिधालयहरु सहभागीता जनाउँदै गरेको यस बर्षको न्याभ बाल दिवसमा नृत्य, हाँजिरजवाफ, फेस पेन्टिङ लगाएत किड्स स्पिच, ट्यालेन्ट सो, ड्रामा, फ्लोर एक्टिभीटिज, जुम्बा डान्स, फेसन परेड लगाएत बिभीन्न खेलहरु रहेको छ। त्यस्तै मेल्बोर्नबाट भिसीई ग्राजुएट फेलिसिटेसन बिधार्थीहरुलाई मायाँको चिनो प्रदान गरिने छ। यसको लागि तलको लिङ्कमा गएर रजिस्ट्रेसन गर्नु पर्ने छ।
https://docs.google.com/forms/d/e/1FAIpQLScAV8iIhPT5esHdq1wq1qch5QDksLyNOXBuN0JD8xfhHNYDVw/viewform
यस पाली बाल चौतारी प्रेस्टोन, बाल चौतारी वेस्ट, ईपिङ वलर्ट बाल वाटीका, बाल सँसार ग्लेनरोय, हाम्रो नेपाली पाठशाला मेल्बोर्न, क्रेगीबन नेपाली भाषा स्कुल र भुट्निज नेपाली ईथिनीक स्कुल मेल्बोर्नले सहभागीता जनाउँदै छन्।
सन् २००५ बाट न्याभले हरेक बर्ष बाल दिवश मनाउँदै आएको छ। बढ्दो नेपालीहरुको सँख्यासँगै हरेक बर्ष बिधार्थी भाई बहिनीहरुको सहभागीता बढ्दै गएको छ। गएको साल करिव २३० जना बालबच्चाहरुले सहभागीता जनाएका थिए। बिषेशत: बिदेशमा जन्मी हुर्केका दोश्रो पुस्तालाई नेपाली मौलीक कला सँस्कृती भाषाको बारे जानकारी दिने हेतुले हरेक बर्ष बाल दिवस मनाईने गरिन्छ।
यस कार्यक्रमको ईभेन्ट पाट्नरमा अजिज ग्रुप रहेको छ भने हस्पिटालीटी पाट्नरमा बिग बेली रहेको छ।
