एनआरएन अस्ट्रेलीयाको निर्बाचन यहि ६ जुलाई शनिबार हुँदैछ। निर्वाचनमा बिना मोबाईल भोट हाल्न नपाईने नो मोबाईल नो भोटको व्यवस्था लागु गरिएको छ । यो सुचना आगामी कार्यकालको लागि निर्वाचन गराउन गठन गरिएको निर्वाचन समितिले संघका सदस्य, सम्बन्धित संघसंस्था र समग्र समुदायको राय र सुझावका आधारमा व्यवस्ता गरिएको ईमेल मार्फत सदस्यहरुलाई जनाएको छ।
निर्वाचनमा मोबाईल फोन आनिवार्य गर्दै एकजनाले एकपल्टमात्र भोट हाल्न सक्ने र कसैले अन्य मतदाताको भोट हाल्न नसकिने निर्वाचन आयोगले जनाएको छ।
यदि सदस्यतहरु कसैको मोबाइल नम्बर परिवर्तन भएको भए उक्त नम्बर परिवर्तन गर्नका लागी जुलाई ३ को साँझ ५ बजेसम्म इमेल पठाइ मोबाइल नम्बर परिवर्तन गर्न सकिने छ समेत जनाईएको छ जसमा आफ्नो पुरा नाम, सदस्यता नम्बर, पुरानो नम्बर र परिवर्तन गर्न चाहेको नम्बर निम्न ईमेलमा [email protected] पठाएर आफ्नो मोबाईल नम्बर परिवर्तन गर्न सक्ने प्रमुख निर्वाचन आयुक्त मन केसीले बताउनु भएको छ।
मेल्बोर्नमा भने 495 Lygon St Brunswick मा बिहान ८ बजे देखि साँझ ५ बजे सम्म मतदान गर्न सकिने छ साथमा मोबाईल, अस्ट्रेलिएन लाईसेन्स वा पासपोर्ट अनिबार्य रुपमा ल्याउन समेत सुचिकृत गरिएको छ।
