दक्षिण एसियाली फुटबल महासंघ (साफ) च्याम्पियनसीपको ‘ड्र’ सार्वजनिक गरिएको छ ।
सेप्टेम्बर ४ देखि १५ सम्म बंगलादेशमा हुने प्रतियोगिताका लागि आज सार्वजनिक गरिएको ‘ड्र’अनुसार नेपाल समूह ‘ए’ मा परेको छ । नेपालको समूहमा बंगलादेश, पाकिस्तान र भूटान छन् । यस्तै, समूह ‘बी’मा भारत माल्दिभ्स र श्रीलंका छ । नेपालको समूहमा रहेका तीन वटै देश फिफा वरियतामा नेपालभन्दा तल छन् । यसअघि सन् २०१५ को उपाधि घरेलु मैदानमा भारतले जित्दा अफगानिस्तान उप–विजेता बनेको थियो ।
नेपालले अहिलेसम्म साफ च्याम्पियनसीपको उपाधि जित्न सकेको छैन । सन् १९९३ बाट सुरु भएको साफ च्याम्पियनसीपको बंगलादेशमा हुने प्रतियोगिता बाह्रौं संस्करणको हो । तेस्रौ संस्करण सन् २०२० मा पाकिस्तानमा हुने छ ।
