हिन्दु महिलाहरुको महान पर्व हरितालिका तीजको अवसरमा नेप्को ईन्टर्टेन्मेन्ट्सले मेल्बर्नमा नेपाली परम्परागत फेसन शोको साथमा तीज कार्यक्रम आयोजना गर्ने भएको छ। गत वर्ष झै यस वर्ष पनि महिलाहरुलाई जमघट गरेर तीजमा नाचगान गर्दै मनाउन लागिएको नेप्को ईन्टर्टेन्मेन्ट्सका अध्यक्ष डिबी थापाले बताए।
आगामी सेप्टेम्वर २ तारिख शनीबार 495 Lygon Street Brunswick East मा आयोजना गर्न लागेको कार्यक्रममा सबैलाई निशुल्क प्रवेशको व्यवस्था गरेको थापाले जानकारी दिए। तीज विशेष कार्यक्रममा विभिन्न सांगितीक प्रस्तुतीका अलाबा नेपाली परम्परागत फेसन शो पनि हुनेछ।
कार्यक्रममा थप आकर्षक बनाउन नेपालबाट राष्ट्रियस्तरका चर्चित कलाकारहरू खुमन अधिकारी, चन्दा अर्याल र दिनेश थापा आउने कार्यक्रमका संयोजक थापाले जानकारी दिए।
