नेपाली नयाँ बर्ष २०७९ लाई हर्षोलासका स्वागत गर्ने हेतुले नेपाली सोसाइटी तास्मनियाले बिशेष कार्यक्रमको आयोजना गर्ने भएको छ।
नयाँ वर्ष २०७९ को विशेष कार्यक्रम आगामी आइतबार अर्थात् अप्रिल १० तारिखका दिन बेलुकी ४ बजे देखि १० बजे सम्म तास्मनियाको मुनाह आर्ट्स सेन्टरमा हुने भएको छ।
कार्यक्रममा १२ वर्ष मुनिका बालबालिकाहरुलाई नि:शुल्क प्रवेशको व्यवस्था गरिएको छ भने सो भन्दा माथिकाहरुलाई प्रति व्यक्ति $१० को व्यवस्था गरिएको संस्थाका अध्यक्ष खगेन्द्र सत्यालले जानकारी गराउनु भएको छ। कार्यक्रमलाई थप शोभा बढाउनको लागि कला, नृत्य, संगीत, खाना,पेयपदार्थ जस्ताको व्यवस्था पनि गरिएको छ भने स्वर्णीम, भगवान र सुरजले सङ्युक्त रुपमा प्रत्यक्ष व्यान्डको प्रस्तुती दिने जनाइएको छ।
नेपाली कला, सस्कृति र प्रतिभाको सम्मान तथा प्रवर्दन गर्न नेपाली सोसाइटी तास्मनियाले बिभीन्न साँस्कृतीक कार्यक्रमको अलाबा मानसिक स्वास्थ्य लगाएत अन्य बिभीन्न जानकारी मुलक कार्यक्रम गर्दै आएको छ।
