अस्ट्रेलीयाको भिक्टोरिया राज्यमा पछिल्लो २४ घण्टामा ७ हजार २ सय २४ जनामा कोरोना संक्रमण पुष्टि भएको छ १९ जनाको निधन भएको भिक्टोरीया स्वास्थ्य बिभागले जनाएको छ।
सोहि अवधि भर १९ हजार ८ सय ६४ जनाको कोरोना परीक्षण गरिएको छ भने सक्रिय संक्रमितको संख्या ५५ हजार १ सय ०२ रहेको छ ।
यस्तै पछिल्लो २४ घण्टामा १५ हजार ४ सय २९ जनाले कोरोना विरुद्धको खोप लगाएका छन् । यससंगै खोप लगाउनेको कूल संख्या ५८ लाख १९ हजार ४ सय ५३ पुगेको छ।
त्यस्तै न्यु साउथ वेल्समा ८ हजार १ सय ८३ जनामा कोरोना संक्रमण पुष्टि भएको छ । न्यु साउथ वेल्स स्वास्थ्य विभागका अनुसार बिहीबार पिसिआर परीक्षणबाट ३ हजार २ सय ८८ र एन्टिजेन परीक्षणबाट ४ हजार ८ सय ९५ जनामा कोरोना संक्रमण पुष्टि भएको हो । सोही समयमा न्यु साउथ वेल्समा कोरोनाबाट ३२ जनाको मृत्यु भएको छ ।
क्वीन्सल्याण्डमा ३ हजार ६ सय ६० जनामा कोरोना संक्रमण भएको छ। पिसिआर परीक्षणबाट एक हजार एक सय र एन्टिजेन परीक्षणबाट २ हजार ५६० जनामा कोरोना संक्रमण पुष्टि भएको हो । क्वीन्सल्याण्डमा संक्रिय संक्रमितको संख्या ३३ हजार २८९ रहेको त्यहाँको स्वास्थ्य विभागले जनाएको छ । सोही अबधीमा क्वीन्सल्याण्डमा कोरोनाबाट १३ जनाको मृत्यु भएको छ ।
यस्तै तास्मनियामा ४५६ र उत्तरी क्षेत्रमा १४२५ जनामा कोरोना संक्रमण देखिएको छ ।
