ओमिक्रोन भेरियन्ट बढेसँग भिक्टोरियामा पुन: कोभीड १९ प्रतिबन्धहरुमा परिबर्तन हुने भएको छ।
आज राती ११:५९ बजे देखि आतिथ्य र मनोरन्जन स्थलहरूमा विवाह बाहेक भित्री डान्स फ्लोरहरू बन्द हुने छन् भने अस्पतालहरूमा आउने आगन्तुकहरूले खोप लगाएको हुनुपर्नेछ र प्रवेश गर्नु अघि एन्टिजेन परीक्षण नकारत्नक आएको हुनुपर्नेछ।
कोभीड १९ ज्याब नलगाएको वयस्कहरूले अस्पतालहरू जाँदा N-95 मास्क लगाउन पर्ने छ।
वृद्ध हेरचाह गृहमा आगन्तुकहरूले प्रवेश गर्नु अघि नकारात्मक RAT नतिजा देखाउन पर्नेछ भने मानिसहरूलाई सम्भव भएसम्म घरबाट काम गर्न र अध्ययन गर्न सल्लाह दिइएको छ।
मानिसहरूलाई व्यस्त ठाउँहरूमा प्रवेश गर्नु अघि आफैले एन्टिजेन परीक्षण गर्न सल्लाह दिइएको छ।
आइसोलेसन नियमहरूमा परिबर्तन गर्दै खुद्रा सुपरमार्केटका कामदार, लगायत खाद्यान्न र पेय पदार्थहरूको उत्पादन, वितरण वा प्याकेजिङ गर्ने कामदारहरूलाई कोभिड-१९ नजिकको सम्पर्कमा आएमा अलग्गै बस्नबाट छुट दिइएको छ।
