भिक्टोरियामा पछिल्लो २४ घण्टाको अवधिमा थप ४४ हजार १ सय ५५ जनामा कोरोना भाइरसको संक्रमण पुष्टि भएको छ भने ४ जनाको निधन भएको भिक्टोरीया स्वास्थ्य बिभागले जनाएको छ।
सोहि अवधि भर ८३ हजार ९ सय ९३ जनाको कोरोना परीक्षण गरिएको छ भने सक्रिय संक्रमितको संख्या १ लाख ४६ हजार ८ सय ६३ रहेको छ ।
यस्तै पछिल्लो २४ घण्टामा १५ हजार ७ सय ३९ जनाले कोरोना विरुद्धको खोप लगाएका छन । यससंगै खोप लगाउनेको कूल संख्या ५१ लाख ३३ हजार ५ सय ३२ पुगेको छ।
न्यु साउथ वेल्समा ३० हजार ६२ जनामा कोरोना भाइरसको सङ्क्रमण पुष्टि भएको छ भने १६ जनाको मृत्यु भएको छ। त्यस्तै १ हजार ९ सय २७ जना अस्पतालमा छन् भने १५१ जना आइसीयुमा उपचार भइ रहेको छ।
