भिक्टोरियामा पछिल्लो २४ घण्टाको अवधिमा थप २१ हजार ७ सय २८ जनामा कोरोना भाइरसको संक्रमण पुष्टि भएको छ भने ६ जनाको निधन भएको भिक्टोरीया स्वास्थ्य बिभागले जनाएको छ।
सोहि अवधि भर ६८ हजार २ सय २ जनाको कोरोना परीक्षण गरिएको छ भने सक्रिय संक्रमितको संख्या ६९ हजार ६ सय ८० रहेको छ ।
यस्तै पछिल्लो २४ घण्टामा २० हजार ७ सय २६ जनाले कोरोना विरुद्धको खोप लगाएका छन । यससंगै खोप लगाउनेको कूल संख्या ५० लाख ९६ हजार ५ सय १८ पुगेको छ।
हिजो मध्यरातदेखि भिक्टोरियामा मानिसहरूको भेला हुने सङ्ख्याको सीमा तोकिएको छ भने एन्टीजेन परीक्षण रिपोट पोजेटिभ आए राज्यको स्वास्थ्य विभागमा अनिवार्य जानकारी गराउनु पर्ने नियम लागु गरिएको छ।
त्यस्तै न्यु साउथ वेल्समा पछिल्लो २४ घण्टाको अवधिमा थप ३८ हजार ६ सय २५ जनामा कोरोना भाइरसको संक्रमण पुष्टि भएको छ भने ११ जनाको निधन भएको न्यु साउथ वेल्स स्वास्थ्य बिभागले जनाएको छ।
१३४ जनाको आइसियुमा उपचार भइरहेको छ भने १७३८ जना अस्पतालमा भर्ना भएका छन्।
