अष्ट्रेलियामा एकैदिनमा ४७ हजार बढी कोरोना संक्रमित थपिएका छन् । अष्ट्रेलियाका विभिन्न राज्यमा गरी पछिल्लो २४ घण्टामा ४७ हजार ८ सय १६ जनामा कोरोना संक्रमण पुष्टि भएको हो ।
अष्ट्रेलियन सरकार स्वास्थ्य बिभागले दिएको जानकारी अनुसार न्यु साउथ वेल्समा ८३ हजार ३ सय ७६ जनाको स्वाब परीक्षण गर्दा सबैभन्दा बढी २३ हजार १ सय ३१ जनामा कोरोना संक्रमण पुष्टि भएको छ भने कोरोनाबाट २ जनाको मृत्यु भएको छ ।
त्यस्तै भिक्टोरियामा ६० हजार ५ सय १५ जनाको स्वाब परीक्षण गर्दा १४ हजार २० जनामा कोरोना संक्रमण देखिएको छ । यहाँ सक्रिय संक्रमितको संख्या ४८ हजार २ सय ९७ छ भने कोरोना संक्रमणबाट २ जनाको मृत्यु भएको छ ।
यस्तै क्वीन्सल्याण्डमा ३३ हजार ३ सय १२ को स्वाब परीक्षणबाट ५ हजार ६ सय ९९ जनामा कोरोना पुष्टि भएको छ । तास्मनियामा सोमबार ७०२ जनामा कोरोना संक्रमण पुष्टी भएको छ भने सक्रिय सङ्क्रमितको संख्या २ हजार २ सय ४४ रहेको छ।
