नेप्लीज बिजनेस एसोसिएसन अफ तास्मानिया (एनबीए)ले ‘साइकिलिङ’ तथा जलपान कार्यक्रमको आयोजना गर्ने भएको छ । एनबीएले क्रिसमसको अपसर पारेर यही डिसेम्बर २५ तारिखका दिन उक्त कार्यक्रमको आयोजना गर्न लागेको हो ।
संसार नै कोरोना भाइरसका कारण आक्रान्त बनिरहेका बेला तास्मानियामा रहेका नेपाली मुलका व्यवसायीहरु पनि त्यसबाट अछुतो रहन सकेनन् । यो वर्ष व्यवसाय तथा उद्धम गर्न नेपालीहरुलाई अति नै चुनौती रहेको अवस्थामा एनबीएले नयाँ वर्षको शुभकामना तथा ‘मेन्टल हेल्थ’लाई पनि सहयोग हुने तरिकाले साइकल र्याली गर्न लागेको हो । कार्यक्रमले यहाँका स्थानीय व्यवसायीहरुबीच सहकार्य तथा समून्वय हुने विश्वास संस्थाले लिएको छ ।
अहिलेको समयमा मुख्यतया व्यवसायमा आधारभुत तरिकाले लागिरहेका नेपालीहरु तथा सम्पूर्ण समूदायमा ‘मेन्टल हेल्थ’को निकै ठुलो भूमिका रहेको अवस्थमा कार्यक्रमले उक्त समस्यालाई सहयोग गर्ने आशा गरिएको छ ।
कार्यक्रममा सहभागीहरुले एक घण्टा साइकिलिङ गर्नेछन् । साइकिलिङको रुट Montrose Foreshore Park-Amart furniture overhead Bridge -Intercity cycle track-Driscoll street Reserve रहेको छ । साथै Montrose foreshore park मा बार्बिक्यू तथा जलपान कार्यक्रमको पनि रहेको संयोजक अरुण आचार्यले जनाएका छन् । यस कार्यक्रममा सहभागी हुन चाहाने इच्छुक महानुभावहरुले इओआई फर्म भर्नाका लागि संयोजक अरुण आचार्यले अनुरोध गरेका छन् ।
