जिलोङ नेप्लिज एसोसिएसनलाई संघीय स्तरको संस्था नेशनल अष्ट्रेलिया डे काउन्सिल (NADC) द्वारा $१४२५० अनुदान दिइएको छ ।
नेशनल अष्ट्रेलिया डे काउन्सिल एउटा यस्तो कम्पनी हो जसको कार्य सञ्चालन प्रधानमन्त्रीले नियुक्त गरेको सञ्चालक समितिले गर्छ। यो अनुदान अष्ट्रेलिया सरकार मार्फत प्रधानमन्त्री र मन्त्रिपरिषदबाट अनुदान प्राप्त भएको जिएनएका अध्यक्ष निरज करणजितले जानकारी गराउनु भयो।
कोविड सुरक्षित वातावरणमा अस्ट्रेलिया दिवस २०२२ कार्यक्रमहरू सन्चालन गर्ने यो अनुदानको मुख्य उद्देश्य रहेको छ।
जिएनएले बिगतमा कोभिड-१९ को असरबाट बहुसांस्कृतिक समुदायमा परेको असर न्यूनीकरण गर्नका लागि कोरोना भाइरस तथा कोभिड रोकथाम, यसको भ्याक्सिनबारे सचेतनात्मक कार्यक्रमको साथसाथै पानी सुरक्षा, मानसिक स्वास्थ्य, खेलकुद, कोभीड १९ सम्बन्धी जानकारी मुलक कार्यक्रम, खोप लगाउने कार्यक्रम लगाएत बिभीन्न साँस्कृतीक कार्यक्रमहरु समुदायमा गर्दै आएको छ।
