गएको शुक्रवार सङ्घीय गृह मामिला मन्त्री क्यारेन एन्ड्रुजले एक विज्ञप्ति जारी गर्दै अब अस्ट्रेलियालीहरुले आफ्ना आमाबाबुहरूका निम्ति यात्रा छुटका लागि आवेदन खुल्ला भएको जानकारी दिएकी छिन्।
आगामी नोभेम्बर १ तारिखदेखि अस्ट्रेलियाका पिआरधारी र अस्ट्रेलीयन नागरिकता लिएका अभिभावकहरुले प्रवेशका लागि छुट सम्बन्धी आवेदन दिन सक्नेछन्।
प्रधानमन्त्री मोरिसनले पत्रकार सम्मेलन मार्फत अस्ट्रेलियालीहरूका विदेशमा रहेका अभिभावकलाई अत्यन्त नजिकका नातेदारका रूपमा परिभाषित गर्दै भेटघाट र पुर्नमिलनको बाटो खुल्ला गराएको जानकारी दिएका हुन्।
सरकारी निर्णयसगै यसै हप्तादेखि गृह मामिला मन्त्रालयको ट्राभल एक्जेम्सन पोर्टलमा गएर अभिभावकले यात्रा छुटका लागि दर्खास्त हाल्ने सुविधा उपलब्ध छ। आवेदन दिँदा अभिभावकले अस्ट्रेलियाको नागरिकता वा पिआर लिएका आफ्ना वयस्क सन्तानसँगको नाता खुल्ने प्रमाण पनि बुझाउनुपर्ने छ।
