तास्मानियामा उदाउँदै गरेका क्रिकेट क्लबहरूमध्ये काठमाडौँ वारियर्स पनि एक नेपाली क्लब हो । काठमाडौँ वारियर्सले गत साल अर्थात् २०२०/२१ सिजनको इन्टरकल्चरल स्पोर्टस् लिग (आइसिएसएल) पनि खेलेको थियो ।
नयाँ र उदाउँदै गरेको टीम भएता पनि उक्त प्रतियोगितामा आइसिएसएल खेल्नु उक्त टीमको लागि सहज भने थिएन । तर पनि क्लबको मर्यादा र सान राख्दै क्लबले उत्कृष्ट प्रदर्शन गरेको काठमाडौँ वारियर्स यस सिजनको होबार्ट च्याम्पिन्स लिग खेलिरहेको छ ।
क्लबको कप्तानको जिम्मेवारी दिवस रेग्मीले पाएका छन् । उनको कप्तानीमा काठमाडौ वारियर्सले तासी बेंगल टाइगर्समाथि जित निकाली सकेको छ । उक्त जितबाट टिमले थप उर्जा र उत्साह बटुलेको छ । क्लबले यो सिजनको प्रतियोगितामा राम्रो नतिजा ल्याउने विश्वास गरेको छ ।
होबार्ट च्याम्पियन्स लिग क्रिकेट प्रतियोगिता खेलिरहेको काठमाडौँ वारियर्सको अफिसियल जर्सीलाई एस स्टडि वर्ल्ड होबार्टले प्रायोजन गरेको छ ।
शनिबार एक कार्यक्रमका बीच क्लबको यस सिजनको जर्सी सार्वजनिक गरिएको छ । काठमाडौं वारियर्सको यस सिजनको जर्सी ‘एस स्टडि वर्ल्ड होबार्ट’ले प्रायोजन गरेको छ ।
काठमाडौं वारियर्सले जर्सी प्रायोजनामा ठूलो भूमिका निर्वाह गरेका खगेन्द्र सत्याललाई विशेष धन्यवाद ज्ञापन समेत गरेको छ । सत्याल तास्मानियामा हुने विभिन्न खेलकुद जन्य गतिविधिमा संलग्न भइरहेका छन् । एस स्टडि वर्ल्ड होबार्टका निर्देशक खगेन्द्र सत्यालका अनसार यस संस्थाले अष्ट्रेलियामा रहेर विभिन्न शैक्षिक परामर्श दिइरहेका छन् ।
त्यसैगरी, काठमाडौं वारियर्सलाई गोर्खा फुटवेयर, मुनलाइट नेप्लीज एण्ड इण्डियन ग्रोसरी स्टोर, इगल ड्राइभिङ मन्त्र र हिमालयन फुड कर्नरको प्रायोजन रहेको छ ।
