भिक्टोरियामा पछिल्लो २४ घण्टाको अवधिमा थप ६२८ जनामा कोरोना भाइरसको संक्रमण पुष्टि भएको छ भने तीनजनाको निधन भएको भिक्टोरीया स्वास्थ्य बिभागले जनाएको छ।
सोहि अवधि भर ६० हजार ८ सय २९ जनाको कोरोना परीक्षण गरिएको छ भने सक्रिय संक्रमितको संख्या ६२२३ रहेको छ । स्वास्थ्य विभागका अनुसार १ करोड ५ लाख ९५ हजार ६ सय १ कोरोना परीक्षण गरिएको छ ।
त्यसैगरी हालसम्म २२ हजार ७ सय ६३ जना कोरोना संक्रमित उपचार पछि निको भएका छन् । यस्तै पछिल्लो २४ घण्टामा ४३ हजार ५६ जनाले कोरोना विरुद्धको खोप लगाएका छन । यससंगै खोप लगाउनेको कूल संख्या ३२ लाख ४४ हजार १ सय ९६ पुगेको छ ।
