भिक्टोरियामा पछिल्लो २४ घण्टाको अवधिमा थप ७९ जनामा कोरोना भाइरसको संक्रमण पुष्टि भएको छ ।ती मध्य ५३ केस लिङ्क केसहरु रहेका छन् भने बाँकी २६ केसहरुको अनुसन्धान भइ रहेको छ।
सोहि अवधि भर ५० हजार ५ सय ३५ जनाको कोरोना परीक्षण गरिएको छ भने सक्रिय संक्रमितको संख्या ६६० रहेको छ । स्वास्थ्य विभागका अनुसार अहिलेसम्ममा ९२ लाख ९४ हजार १५ जनाको कोरोना परीक्षण गरिएको छ ।
त्यसैगरी हालसम्म २० हजार २ सय ७३ जना कोरोना संक्रमित उपचार पछि निको भएका छन् । यस्तै पछिल्लो २४ घण्टामा ३३ हजार ६ सय ११ जनाले कोरोना विरुद्धको खोप लगाएका छन । यससंगै खोप लगाउनेको कूल संख्या २२ लाख ८८ हजार १ सय ७ पुगेको छ ।
