जापानको टोकियोमा जारी ओलम्पिकस्मा अष्ट्रेलियाकी पाैडी खेलाडी एमा म्याकियनले ओलम्पिकको एउटै संस्करणमा ७ पदक जित्ने पाैडी खेलाडीको पुरानो रेकर्ड तोर्दै नयाँ रेकर्ड बनाउन सफल भएकी छन।
आइतबार म्याकियनले पाैडीका सबै खेल सकिँदा ओलम्पिकको एउटै संस्करणमा ७ पदक जित्ने पाैडी खेलाडीको रेकर्ड आफ्नो नाममा राखेकी हुन् । आइतबार भएको ५० मिटर स्प्रिन्ट डबलमा उनले स्वर्ण जित्दै ४ स्वर्ण पदक जित्न सफल भइन्।
कूल ७ पदक जितेकी म्याकियन एउटै ओलम्पिकमा ७ पदक जित्ने दोश्रो महिला खेलाडी समेत बनेकी छन् । सन् १९५२ को ओलम्पिकस्मा सोभियत युनियनकी जिम्न्यास्टीक खेलाडी मारिया गोरोकोभ्स्कायाले ५ स्वर्ण र २ रजत गरी ७ पदक जित्न सफल भएकी थिइन् । म्याकियनले ओलम्पिकस्को ५० मिटर हिटमा पुरानो रेकर्ड तोड्दै नयाँ कीर्तिमान बनाएकी छन् । ५० मिटरको पहिलो हिट २४.०२ सेकेन्डमा सकेकी उनले सेमि फाइनल २४ सेकेन्डमा नै पुरा गरेकी थिइन् ।म्याकियनले ४ स्वर्ण र ३ कास्य गरी जारी ओलम्पिकस्मा ७ पदक आफ्नो नाममा बनाउन सफल भइन् ।
ब्रिसबेनकी २७ वर्षीया म्याकियनले ओलम्पिकस्मा रेकर्ड बनाउँदा खुसी लागेको प्रतिक्रिया दिएकी छन् । उनले ओलम्पिकस्मा जितेका ती ७ पदक कडा परिश्रमको फल भएको बताएकी छन् ।
