स्याम नेपाली कल्याण कोष तथा बच्छलादेवी सोसल फ़ाउन्डेशनको संयुक्त आयोजनामा सिन्धूपाल्चोकको बाढी पीडितकक सहयोगार्थ उठेको रकमको राहत सामग्री गत आइतबार सिन्धूपाल्चोक पुर्याइएको छ ।
राहत सामग्रीमा सोलार बत्ति चार थान, हुलास जस्ता पाता १२ फिटको ७२ बन्डल, वाइवाइ चाउचाउ ६० कार्टून, बिस्कुट ३ कार्टून, सर्वोत्तम सिरियल (बच्चाको खाना) ९ कार्टून रहेको छ। त्यस्तै परिवार प्याकेज अन्तर्गत १६० वटा बाकसमा दाँत माझ्ने ब्रस दँन्त मन्जन, स्यानिटरी प्याड, डेटोल साबुन, प्यारासिटामोल, जिवनजल, डिस्पोजेवल मास्क, ओडोमस, वाटर गार्ड प्यूरिफायर आदि रहका छन्। उक्त सामाग्रीहरु हेलम्बु गाँउपालिका वडा नं ४ का वडा अध्यक्षलाई हस्तान्तरण गरिएको थियो ।
रकम संकलनका लागि गत शनिबार मध्यराती सम्मको समयावधि राखिएपनि रकम आउने क्रम केहि दिनसम्म जारी रहँदा जम्मा $१२३९२ संकलन भएको र वितरण गरिएको राहत सामग्रीका लागि $१०३१० खर्च भएको स्याम नेपाली कल्याण कोषका निर्देशक सुमन देउजाले जानकारी गराउनु भयो। तोकिएको समयावधि भन्दा पछि संकलन भएको बाँकी रकम $२०८२ केहि दिनमा राहत सामग्री झूल र पालको लागि खर्च गरिने बताउनु भएको छ।साथै यस कार्यमा सहयोग पुर्याउनुहुने सम्पूर्ण सहयोगकर्ताहरुलाई धन्यबाद दिनु भएको छ।
सहयोगदाताहरुको नामावलीको सूचि र राहत सामग्रीको विस्तृत विवरणको तस्विर
