चितवन घर भइ हाल अष्ट्रेलियाको भिक्टोरियामा वसोवास गर्ने नेपालीहरुको संगठन चितवन समाज भिक्टोरियाले मेल्बर्नमा रमाइलो साँझ कार्यक्रम आयोजना गर्ने भएको छ। यहि २५ मे साँझ ५ बजेबाट शुरु हुने साङ्गितीक कार्यक्रम इस्टोनियन हाउसमा हुने छ।
भ्वास अफ नेपाल सिजन १ का रनरअप कुशल आचार्यको साथमा स्थानिय कलाकारहरु दिकपाल देव पङ्गेनी, प्रवीण योन्जन र रफिक महर्जनको साङ्गितीक प्रस्तुती हुने रमाइलो साँझमा डिजे सत्र हुने जनाइएको छ।
निशुल्क प्रवेश शुल्कको व्यबस्था गरिएता पनि सहयोग बापत उठेको रकम र समाजका सदस्यहरुबाट सङ्कलित रकम नेपाल पठाइने छ। नेपालमा अहिले कोरोना भाइरस महामारीको दोश्रो लहर आएको छ। यस्तो बिषम् परिस्थितीमा कार्यक्रम रद्द गर्ने छलफल पनि भएको तर सुमुदाएलाई एकजुट गराएर केही राहत सहयोग सङ्कलन गरेर नेपाल पठाउने हेतुले यस कार्यक्रमलाई निरन्तरता दिएको समाजका कार्यकारी सदस्य सुमन अधिकारीले बताउनु भयो।
यो माहामारीको बेला घरबारविहीन, बेरोजगार, गरीब र विपन्न वर्गका प्रत्यक्ष पीडित व्यक्तिका लागि करीव एक लाख रुपैया विनियोजन गरेको छ। सो रकम भरतपुर र नारायणगढ क्षेत्रमा बन्दको कारण पीडित व्यक्तिलाई खाना खुवाउन वा उनीहरूलाई खुवाउन पैसाको रकम खर्च गरिने छ।यो रकम केही भरपर्दो संगठनहरू जस्तै लाइन्स क्लव भरतपुर, नारायणगढ मार्फत हस्तान्तरण गरिने छलफल भइ रहेको छ।
त्यस्तै चितवन समाज भिक्टोरीया मार्फत हाइवे अस्पताल, मुग्लिनलाई दैनिक उपयोगको लागि अत्यावस्यक मनीटर सहयोग गर्ने भएको छ भने एनआरएनए अष्ट्रेलियालाई १२०० डलर बराबरको एक अक्सिजन कन्सन्ट्रेटर दिने प्रतिबद्धता गरिसकेको छ।
