अस्ट्रेलियामा रहेका नेपाली विद्यार्थीको हितमा काम गरिरहेको स्याम नेपाली वेल्फेयर फन्डले उर्लाबारी–३ मंगलबारेमा रहेको मदन भण्डारी अस्पताल तथा ट्रमा सेन्टरलाई सहयोग गरेको छ ।
बछलादेवी सोसल फाउन्डेसनमार्फत् १ लाख ७० हजार बराबरको प्यासेन्ट मोनिटर सहयोग गरेको फाउण्डेसनले जनाएको छ । सुमन देउजाको अगुवाईमा अस्ट्रेलियमा रकम संकलन गरी पठाइएको बताइएको छ ।
फाउण्डेसनका अनुसार नेपालमा बढ्दो कोरोना संक्रमण दरले भयावह अवस्था सिर्जना गरेको र मदन भण्डारी अस्पताल तथा ट्रमा सेन्टरमा प्रशस्त स्वास्थ्य सामग्रीसमेत नभएकाले सहयोग गरिएको हो । अस्पतालका लागि सो मेसिन अत्यन्तै आवश्यक रहेको अस्पतालमा कार्यरत ल्याब टेक्निसियन नवीन खड्काले बताए । खड्कामार्फत् नै अस्पताललाई सो उपकरण फाउण्डेसनले उपलब्ध गराएको छ ।
