नेपाली सोसाइटी अफ नदर्न तास्मानियाले लन्चेस्टनमा गएको शनिवार होली महोत्सव मनाएको छ।हेरीटेज पार्क मोब्रेमा भएको होली महत्सवमा एक आपसमा रंग दलेर रमाइलो गरिएको थियो।
कार्यक्रमको शुरुवात नेपाली सोसाइटी अफ नदर्न तास्मानियाका सचिव प्रेम भट्टराईको स्वागत मन्तब्य र होली परीचयबाट भएको थियो। भाषालयका विद्यार्थीहरु र हृदय दाहाल द्वारा नृत्य प्रस्तुत गरिएको थियो भने हिमालयन रक फिल्ड ब्याण्डका सुलभ मास्के र साथीहरुको टिमले सांगितिक कार्यक्रम प्रस्तुत गरेका थियो। डिजे उज्वल खड्काले दर्शकलाई मस्तसँग नचाएका थिए ।
नेपाली सोसाइटी अफ नदर्न तास्मानियाका अध्यक्ष नवराज मुडभरीले उपस्थित सबैलाई धन्यबाद दिदै आगामी वर्षहरुमा पनि नेपाली मौलिक परम्परा झल्किने पर्वलाई यसैगरी मनाईने बताउनुभयो ।
तस्मानिया सरकार, लन्चेस्टन सिटी काउन्सिल, एनआरएनए तस्मानिया, लन्चेस्टन नेपाली फुटबल क्लब र लन्चेस्टन नेपाली क्रिकेट क्लबको सहकार्यमा भएको होली उत्सवको संयोजक सोसाइटीका जनसम्पर्क अधिकारी सन्तोष अधिकारले हेर्नु भएको थियो।
पछिल्लो समय लन्चेस्टनमा नेपालीहरुको बाक्लो रुपमा बसोबास बढेसँगै बिभीन्न साँस्कृतीक लगाएत खेलकुदका कार्यक्रमहरुले निरन्तरता पाउन थालेको छ। 
