करीब २ वर्ष देखि क्यान्सरसँग लडीरहेका रोल्पाका २३ वर्षीय भुवन महरालाई प्रवासी नेपाली विधार्थी संगठनले सहयोग गरेको छ।पिडीत भुवनको घरको आर्थिक अवस्था निकै नाजुक भएकाले उनको सहयोगका लागि प्रवासी नेपाली विधार्थी संगठनले सहयोग रकम जुटाएको थियो ।
सङ्कलित रकम रु एक लाख मिति २०७७/ १०/ ५ मा रोल्पा नगरपालिकाका नगर प्रमुख र जिल्लाका संचारकर्मीहरुको रोहबरमा क्यान्सर पिडित भुबन र उनको आमालाई हस्तान्तरण गरिएको थियो|
कोरोना महामारीका बिच पनि विधार्थी र लामो समय देखि अस्ट्रेलियामा इस्थाई रुपमा बसोबास गर्दै आउनु भएका अग्रजहरुको सहभागितामा उक्त सहयोग रकम जुटेको थियो |
प्रवासी नेपाली विधार्थी संगठन अस्ट्रेलियाका अध्यक्ष सम्राट वलीले इनेपालसँग कुरा गर्दै यस अभियानमा साथदिने सम्पूर्णमा एकमुस्ट रुपमा धन्यवाद दिदै यो एकता आगामी दिनमा अझै मजबुत हुँदै जाने बताएका छन् |
