दिपावली तथा म्हपूजाको अवसरमा आईतबार नोभेम्बर १५ तारिख नेप्लीज एशोसियसन अफ् भिक्टोरियाले आफ्नो फेशबुक पेजको माध्यमबाट लाईभ् प्रसारण गरेको देउसीभैलो तथा शुभकामना कार्यक्रममा दशौं हजार दर्शकहरूले बडो उत्कृष्ट र चासोका साथ हेरिएको यस्तो लाईभ कार्यक्रममा ऐतिहासिक सफल हासिल गरेको छ । कार्यक्रम संचालिका सँस्थाकी महिला उपाध्यक्ष सुश्री ललिसा थापाले गरेकी थिईन ।
कार्यक्रममा सँस्थाका अध्यक्ष राम गुरूङको आसन ग्रहणबाट सुरू भई कार्यक्रमको उद्घाटन सँस्थाका उपाध्यक्ष प्रेमराज उप्रेतीले गर्नु भएको थियो भने कार्यक्रममा शुभकामना मन्तब्य सँस्थाका कोषाध्यक्ष डाक्टर याकिन्द्र तिमिल्सेनाले दिनुभएको थियो । कार्यक्रमको कोअर्डिनेटर सँस्थाकी सहसचिव तथा कल्चरल कोअर्डिनेटर सुश्री पुनम गुरूङले कार्यक्रमको बारेमा बिविध जानाकारी दिईन ।
कार्यक्रममा न्याभकी कल्चरल कोरियोग्राफी सुश्री जेनी गुरूङको नेतृत्वमा न्याभका कलाकारहरूले अति उत्कृष्ट साँस्कृतिक प्रस्तुतिहरू देखाएका थिए । कार्यक्रमहरू सबैजसो तिहारलाई मध्यनजर गरेर देखाईएको थियो ।
तिहारमा गरिने सबै सँस्कारहरूको झलक देखाएर नयाँ पुस्तालाई केन्द्रित गरि कसरी आफ्नो परम्परा र सँस्कार हस्तानतरण गर्न सकिन्छ भन्नेमा नै बढि जोड दिएर यस कार्यक्रम बनाईएको थियो ।
कोभिड १९ को महामारीको बिचमा पनि बिशेष खालको ब्यावस्था गरेर कार्यक्रम सम्पन्न गरिएको थियो । कोभिड १९ को कारणले न्याभका कार्यसमितिका पदाधिकारीहरू र कलाकारहरूको मात्र उपस्थतिमा कार्यक्रम सम्पन्न गरिएको थियो।
कार्यक्रममा सँस्थाका अध्यक्ष राम गुरूङले कार्यक्रमको अन्त्यमा सँस्थाकी महिला उपाध्यक्ष सुश्री ललिसा थापा र कोषाध्यक्ष डा. यकिन्द्र तिमील्सेनाको सर्प्राईज जन्म दिवश पनि मनाई दिएका थिए । उहाँहरू दुबैजना बडो भावुक बनेका थिए । कार्यक्रम सोँचेभन्दा धेरै स्तरिय भएकोमा बिविध क्षेत्रबाट धेरै प्रशंसा र शुभकामनाका लहरहरू फेशबुकमा बगरेल्ती बर्सिएका थिए । कार्यक्रममा दशैं वक्तृत्वकलाका कोअर्डिनेटर कृष्ण चालिसेलाई वक्तृत्वकला अत्यधिक सफल बनाउनु भएकोमा वहाँलाई सम्मान गरिएको थियो भने सहभागी कलाकारहरूलाई प्रमाणपत्रले सम्मान गरिएको थियो । निकट भबिष्यमा न्याभले एउटा ठुलै कार्यक्रम भब्यताकासाथ गर्ने योजना सँस्थाका अध्यक्ष राम गुरूङले जानाकारी दिए ।
भिडीयो हेर्नलाई तलको लिङ्क क्लिक गर्नु होला ⬇️⬇️
