दक्षिणी अष्ट्रेलियाका प्रमुख जनस्वास्थ्य अधिकारीका अनुसार एडिलेडको उत्तरी उपनगरमा १७ कोरोना भाइरसका केसहरू देखा परेको छ।
निकोला स्पुरियरको जानकारी अनुसार पोर्ट एडिलेडको हंग्री ज्याक्समा काम गर्ने एक कर्मचारी सदस्यलाई संक्रमण देखीए पछि बन्द भएको छ।
माउसन लेक्स प्राथमिक विद्यालय र प्रिस्कूल का साथसाथै प्याराफील्ड प्लाजा सुपरमार्केट पनि बन्द गरिएको छ।
सालिसबरी डाउन्सको थोमस मोरे कलेजले पनि एक जनालाई कोरोना भाइरस पोजीटीभ देखीए पछि आजबाट बन्द भएको छ ।
साउथ अष्ट्रेलिया हेल्थले हिजो ८० वर्षीय एक महिलामा कोरोना पोजीटीभ देखिएको जनाएको थियो । उनको उपचार लेल मेक्वीन अस्पतालमा गरिएको छ । उनीसँग नजीकमा रहेका अन्य दुईजनालाई पनि कोरोना देखिएको थियो । त्यस्तै याटला श्रम कारागारका एक कर्मचारीको पनि निदान भइ रहेको जनाएको छ।
साभारः ABC News
