गैर आवासीय नेपाली संघ महिला फोरम (नारी निकुंज) अष्ट्रेलियाले १४ नोभेम्बर २०२० मा राष्ट्रिय महिला सम्मेलन आयोजना गर्ने भएको छ। यस वर्ष राष्ट्रिय महिला सम्मेलनमा महिला सशक्तिकरण, कल्याण र लचिलोपन” को बारे बहस हुने बताइएको छ।
महिला फोरम अष्ट्रेलिया एक प्रख्यात प्रवासी संङगठन हो र यसको स्थापना भएदेखि नै महिला सशक्तिकरण, उत्थान र भलाई परियोजनामा काम गरिरहेको छ। यस वर्ष दुर्गम नेपालका महिलाहरूको कल्याणको लागि सहयोग गर्ने यस फोरमले जनाएको छ।
कोविड – १९ महामारीको प्रकोपको बेला महिलाको स्वास्थ्य सबैभन्दा ठूलो चुनौती भएको र लचिलोपन र पुनःप्राप्तिमा ध्यान केन्द्रित गर्न यो बाहेक अर्को उत्तम कुनै समय नभएको भन्दै यस बर्षको महिला सम्मेलनको मुख्य वक्ताको रुपमा चर्चीत बलिवुड अभिनेत्री एवम् सामाजीक अभियन्ता मनिषा कोइरालाबाट अन्तरदृष्टिका कुरा सुन्ने अबसर प्राप्त भएको छ। कोइराला महिला अधिकार, महिला विरुद्ध हिंसा र मानव बेचबिखनका लागि प्रख्यात सामाजिक कार्यकर्ता हुन्। कार्यक्रममा सहभागी व्यक्तिहरूले एक सामाजिक कार्यकर्ता, व्याख्याता, लेखक र मानव अधिकार मानव अधिकार (डब्ल्यूएचआर) को संस्थापक लिली थापा अनि कानुनवेत्ता, मानव अधिकार र सामाजिक कार्यकर्ता बुनू गौतमका सुनुवाईको कुरा सुन्ने अबसर मिल्नेछ। स्पिकरहरूको छोटो जीवनी र कार्यक्रम विवरणहरू यस लिङकबाट डाउनलोड गर्न सकिन्छ।
https://files.constantcontact.com/4447552f001/8e4f1a20-45a0-4214-b252-267ef2de715e.pdf
यो सम्मेलनको मुख्य लक्ष्य हाम्रो दैनिक जीवनमा परिवर्तनकर्ताहरूको रूपमा महिलाको भूमिका र प्रभावको अन्वेषण गर्नुका साथसाथै सशक्तीकरणका कथाहरू साझा गर्दै राम्रो सुझावहरूमा ध्यान केन्द्रित गर्ने र लचिलोपन बढाउनको लागि सहयोग गर्ने हो।
यस राष्ट्रिय महिला सम्मेलनमा पुरुष र महिला दुबैले सहभागीता जनाउन सकिने छ भने बिभिन्न अन्तरदृष्टि स्पिकरहरू र प्यानलिस्टहरूबाट सिक्ने, जान्ने र बुझ्ने अवसर मिल्नेछ।
यस कार्यक्रमा सहभागीता जनाउन तलको लिङ्कमा गएर आफ्नो रजीस्ट्रेसन गर्न सक्नु हुनेछ।
तल प्रदान गरिएको जूम बैठकको लिंक मार्फत पनि लग इन गर्न सक्नु हुनेछ।
Zoom Session Link:
Meeting ID: 918 7635 3411
