एजेन्सी- नेसन्स लिग फुटबलको दोस्रो संस्करण सुरु हुँदै गर्दा पोर्चुगलका सुपरस्टार क्रिस्टियानो रोनाल्डो निकै उत्साहित थिए ।किनभने, उनी प्रतियोगिताको पहिलो खेलबाटै अन्तर्राष्ट्रिय फुटबलमा १०० गोल पूरा गरेर इतिहास रच्न चाहन्थे । तर, क्रोएसियाविरुद्धआफ्नै देशमा भएको पहिलो खेल उनले चोटका कारण खेल्न सकेनन् । खुट्टाको औंलामा संक्रमण देखिएपछि ३५ वर्षीय रोनाल्डोलाईप्रशिक्षक फर्नान्डो सान्तोषले खेलाएनन् ।
खेलपछि सान्तोषले रोनाल्डो क्रोएसियाविरुद्ध खेल्न तयार रहे पनि नयाँ सिजनको मुखमा थप जोखिम बढ्न नदिन आफूले नै सम्झाएरखेल्न नदिएको बताएका थिए । पहिलो खेल खेल्न नसकेपछि रोनाल्डोको १०० गोलको प्रतीक्षा ३ दिनपछि लम्बियो ।
भोलि (मंगलबार राति) पोर्चुगलले दोस्रो खेल स्वीडेनसँग उसकै भूखेल्दैछ । पोर्चुगिज टोली स्वीडेन पुगिसकेको छ । सो खेलमाकप्तान रोनाल्डो ठीकठाक खेल्ने करिब पक्का छ । क्रोएसियाविरुद्धको खेलपछि प्रशिक्षक सान्तोषले रोनाल्डो स्वीडेनविरुद्ध खेल्नेबताएका थिए ।
भोलि स्वीडनेविरुद्ध उत्रिँदा रोनाल्डोसँग १०० अन्तर्राष्ट्रिय गोलको लक्ष्य हुनेछ । उनले सो खेलमा मात्रै १ गोल गरे उनी फुटबल इतिहासमा१०० गोल गर्ने पहिलो र एक मात्रै सक्रिय खेलाडी बन्नेछन् भने समग्रमा दोस्रो । फुटबल इतिहासमा हालसम्म अन्तर्राष्ट्रिय खेलमासर्वाधिक गोलको रेकर्ड इरानका अली डेइका नाममा छ । उनले कूल १०९ गोल गरेका छन् । तर, उनी सन्यास लिइसकेका खेलाडी हुन् ।
हाल अन्तर्राष्ट्रिय फुटबलमा खेलिरहेका खेलाडीमधये सबैभन्दा बढी गोल रोनाल्डोकै नाममा ९९ गोल छ । त्यसपछि भारतका कप्तानसुनील क्षेत्रीका नाममा ७२ गोल छ । १०० गोल गर्ने सक्रिय खेलाडी बन्न रोनाल्डोलाई अब १ गोल चाहिन्छ भने अली डेईको १०९ गोलकोरेकर्ड भंग गरेर फुटबल इतिहासमा सर्वाधिक अन्तर्राष्ट्रिय गोलकर्ता बन्न उनलाई मात्रै १० गोल आवश्यक छ ।
सन् २००३ मा पोर्चुगलको राष्ट्रिय टोलीमा डेब्यु गरेका रोनाल्डोले हालसम्म राष्ट्रिय टिमका लागि ९९ गोल गरेका छन् । सोक्रममा उनलेकूल १६४ खेल खेलेका छन् । उनका ९९ गोलमध्ये ८२ गोल अफिसियल प्रतियोतिगामा गरेका छन् १७ गोल मैत्रीपूर्ण खेलमा गरेका गोलछन् । रोनाल्डो हालकै अवस्थामा पनि अन्तर्राष्ट्रिय फुटबलमा सबैभन्दा धेरै अफिसियल गोलकर्तामा रेकर्ड होल्डर खेलाडी हुन् । उनकोजति अफिसियल गोल अन्य कुनै खेलाडीले गरेका छैनन् ।
