बिगत केही बर्ष देखी अस्ट्रेलीयाको भिक्टोरीया राज्यमा नेपाली कला, सँस्कॄती र परम्परालाई जगेर्ना गर्दै सामाजीक कार्यमा पनि उत्तीकै सकृय गुल्मी समाज भिक्टोरीयाले केही दिनदेखिको लगातार झरीबाट बाग्लुङको ढोरपाटनमा गएको पहिरो पिडीतलाई सहयोग गर्न समुदाएसँग अनुरोध गरेको छ।
प्राकृतिक प्रकोपले निम्त्याएको यो बिषम परिस्थितीमा पिडीत र घाईतेहरुलाई केही राहत अनि आदर देखाउन सबैलाई गुल्मी समाज भिक्टोरीयाका अध्यक्ष गान्धी प्रसाद भट्टराईले आग्रह गर्नु भएको छ। यस्तो कठिन परिस्थितीमा थोरै भए पनि मलहम लगाउने प्रयास सबैबाट हवस्।
सहयोग गर्न चाहानेले फो फण्ड मीको लिङ्कबाट पनि सहयोग गर्न सक्नु हुनेछ भने तल दिएको बैंक खातामा पनि रकम जम्मा गर्न सक्नु हुनेछ।
Account Name: Gulmi Samaj Victoria Australia
BSB No. 083405
Acc No.356617458
Please input your name in the reference field, when transferring funds
लगातार झरीले ढोरपाटनको भुजीखोलामा आएको बाढीले ४० घर बगाएर ठूलो क्षति पुर्याएको छ ।बुधबारको बाढी पहिरोमा ढोरपाटन नगरपालिकाको वडा नं. ९ का ४० घर पुरिएका छन्। ती घरमा बस्ने १४ जनाको मृत्यु भएको छ भने ४० भन्दा बढी हराएका छन् ।
पछिल्लो जानकारी अनुसार हराईरहेका २४ मध्ये एक जना पुरुषको शव फेला परेको छ । प्रहरीले बेपत्ताको खोजीका क्रममा शनिवार बिहान भुजीखोला किनारमा एक पुरुषको शव फेला परेको हो । बाढीपहिरोमा २३ जना अझै हराईरहेका छन् । हराएकाहरुमा १५ दिने शिशुदेखी बयोबृद्धसमेत छन् मृत्युभएका १४ मध्ये १३ जनाको शव शनाखत भएको छ ।
