फराकिलो जितसहित जर्मन क्लब बार्यन म्युनिख युरोपियन च्याम्पियन्स लिग फुटबलको क्वार्टरफाइनल प्रवेश गरेको छ । अन्तिम १६ मा इंग्लिस क्लब चेल्सीमाथि एग्रीगेटमा ७–१ गोलअन्तरको फराकिलो जित निकाल्दै बार्यनले अन्तिम आठमा स्थान तय गर्न सफल भएको हो । बार्यनले चेल्सीको घरमा भएको पहिलो लेग ०–३ ले जितेको थियो । आफ्नो घरमा भएको दोस्रो लेगमा ४–१ को जित निकालेपछि उसले एग्रीगेटमा ७–१ फराकिलो जितसहित क्वार्टरमा स्थान बनायो ।
