युभेन्टसले लगातार नवौंपटक इटालियन सिरी ए लिग फुटबलको उपाधि जितेको छ । आज भएको लिगको ३६औं साताको खेलमायुभेन्टसले आफ्नो घरेलु मैदानमा पाहुना टोली साम्पडोरियालाई २–० गोलअन्तरले हराउँदै नवौंपटक लिग च्याम्पियन बनेको हो ।युभेन्टसले लिगका अन्तिम २ खेल बाँकी छँदै उपाधि पोल्टामा पार्न सफल भयो ।
घरेलु मैदान एलिनाज रंगशालामा युभेन्टसलाई उपाधि जित दिलाउन क्रिस्टियानो रोनाल्डोे र फेडरिको बर्नान्डेचीले गोल गरे । रोनाल्डोलेपहिलो हाफमा इन्जुरी समयमा मिरेलाम पियानिचले चलाखीपूर्वक दिएको फ्रि किक पासमा शानदार गोल गरेका थिए ।
त्यसपछि खेलको ६७औं मिनेटमा बर्नान्डेचीले गोल गरे । रोनाल्डोको शक्तिशाली प्रहार गोलकिपरबाट रिबाउन्ड भएको बलमाबर्नान्डेचीले सहजै गोल गरेका थिए । त्यसपछि खेलको अन्तिम समयमा युभेन्टसले पेनाल्टी पाएको थियो । तर, रोनाल्डोको पेनाल्टीप्रहार बारमा लागेर फर्किंदा उनले ३२औं लिग गोल गर्न पाएनन्
