सिरि ए मा आज राति १६औं स्थानको उडिनेसले आफ्नो घरमा लिग लिडर युभेन्टसलाई अप्रत्यासित रूपमा हराएको छ ।आज भएको लिगको ३५औं खेलमा पाहुना टोली युभेन्टसलाई उडिनेसले आफ्नो घरेलु मैदानमा २–१ ले स्तब्ध बनायो । यो हारपछियुभेन्टसले आजै उपाधिको खुसीयाली मनाउन पाएन । उसले उपाधिका लागि आगामी खेलसम्म पर्खिनुपर्ने भएको छ ।
निकै प्रतिस्पर्धात्मक खेलमा युभेन्टसले पहिला गोल गरेर अग्रता लिए पनि त्यसपछि २ गोल खाएर नतिजा गुमायो ।
यो खेल जितेको भए युभेन्टस आजै उपाधि च्याम्पियन बन्ने थियो । तर, अब उसकोउपाधिका लागि प्रतीक्षा लम्बिएको छ । साथै, आजको खेलमा गोलविहीन बनेपछि युभेन्टसका क्रिस्टियानो रोनाल्डोलाई गोल्डेन बुटदौडमा पनि झट्का लागेको छ।
यो हारपछि पनि युभेन्टस ३५ खेल सकिँदा ८० अंकसहित शीर्ष स्थानमा छ । ७४ अंक भएको एटलान्टा ६ अंकले पछि परेर दोस्रो स्थानाछ । विजयी उडिनेस ३९ अंक जोडेर १५औं स्थानमा चढेको छ ।
