स्पेनिस फुटबल क्लब रियल मड्रिड जारी सिजनको घरेलु लिग ला लिगाको उपाधि नजिक पुगेको छ । गत राति लिगको ३६औं खेलमाग्रानाडालाई १–२ ले हराएपछि रियल उपाधि नजिक पुगेको हो । लिगमा ३६ खेल सकिएर अब मात्रै अन्तिम २ बाँकी छँदा रियल दोस्रोस्थानको बार्सिलोनाभन्दा स्पष्ट ४ अंकले अघि छ ।
अब लिगका बाँकी २ खेलमा बार्सिलोनाले बिहीबार राति ३७औं खेल ओसासुनासँग आफ्नो घरमा खेल्दै छ । सोही दिन एकै समयमारियलले आफ्नो ३७औं खेलमा आफ्नो घरमा भिल्लारियलसँग खेल्दै छ । रियल र बार्सिलोना दुवैले एकैदिन आ–आफ्नो खेल खेल्ने हुँदाउपाधि होडको छिनोफानो त्यही दिन हुने प्रबल सम्भावना छ ।
यदि बार्सिलोनाले सो दिन आफ्नो खेल जितेको खण्डमा रियलले पनि आफ्नो खेल जिते रियल सोही दिन च्याम्पियन बन्नेछ । तर, सोदिन बार्सिलोनाले आफ्नो खेल जिते र रियल हारे वा बराबरीमा रोकिए रियलले उपाधिका लागि अन्तिम खेलसम्मै पखिर्नुपर्ने हुन्छ ।त्यसैले रियलका लागि अबको खेल फाइनल खेलसरह हुनेछ । ऊ बिहीबार राति दोस्रो घरेलु मैदान अल्फ्रेडो डे स्टोफानो रंगशालामाउत्रिँदा उपाधिको सेलिब्रेसन गर्ने तयारीमा हुनेछ । मड्रिड सहरमा उपाधि सेलिब्रेसनको तयारी यसअघिबाटै थालिसकिएको छ ।
