स्याम नेपाली कल्याण कोषले अहिलेसम्म १८० जना मेलवर्नका नेपाली विद्यार्थीलाई सहयोग गरेको छ । कोभिड-१९ यानिकी कोरोना संक्रमणको त्रास बढेसगैँ स्याम नेपाली कल्याण कोषले तीन महिना अघि अन्तराष्ट्रिय विद्यार्थीका निम्ती राहत प्याकेज सार्वजनिक गरेको थियो ।
मेल्वर्नमा रहेका नेपाली विद्यार्थीका निम्ती लक्क्षित गरेर निकालिएको सो प्याकेजमा सुरुवाती चरणमा $५००० को बजेट छुट्याईएको थियो तर एक महिना पछि त्यसलाई $७००० पुर्याईएको थियो । तीन महिनाको अन्तरालमा लगभग ४०० वटा म्यासेज र ईमेल प्राप्त भएका छन् । प्राप्त भएका ईमेल र म्यासेजलाई प्राथमिकता अनुसार विभाजन गरि विद्यार्थीलाई पहिलो दोस्रो, तेस्रो र चौथो चरणको सहयोग अन्तर्गत रकम प्रदान गरिएको हो । यसैगरि कोरोना संक्रमण पुष्टि भएको एक नेपाली जोडीलाई ईमेल मार्फत जानकारी पाए लगत्तै डलर ४०० सहयोग प्रदान गरिएको छ । स्याम नेपाली कल्याण कोषले राहत प्याकेज सार्वजनिक गर्दा धेरैजनाले रकम सहयोग दिनका र निम्ती सन्देश समेत पठाउनु भएको थियो । सोहि कुरालाई मनन गर्दै स्याम नेपालीले एकाउन्ट विवरण फ़ेसबुक पेजमा सार्वजनिक गरिएको थियो । सहयोग गर्न चाहे सो एकाउन्ट विवरणमा रक़म जम्मा गर्न सक्नुहुने जानकारी र प्रत्येक हिसाब पारदर्शी हुनुका साथै अभिलेख पनि राखिने बताइएको थियो। एउटै व्यक्तिलाई सहयोग नदोहोरियोस् भन्ने मनशायका कारण अभिलेख राख्न खोजीएको समाजसेवी स्याम नेपाली बताउछन् ।
एकाउन्ट सार्वजनिक गरेसँगै अहिलेसम्म $१९३७ सहयोग रकम उठेको छ । आजको दिनसम्मको अभिलेख अनुसार $९४०० रकम सहयोग स्वरूप वितरण भएको छ । सहयोग स्वरूप उठेको रकम र सहयोगीहरुको नामावली यस प्रकार छन् : एस् बी : $३०५ , स्मृति ढकाल : $१००, सुमन खड्का : $१०, शिव सुवेदी : $१०० , सलोनी: $५०, सिजल : $६०, सुलभ : $५०, अल्फ्ही : $५०, सन्जू : $१००, समिर : $२०, शिषिर : $१००, यशोदा : $५०, नारायण: $५०, रुविना: $४०, सम्वृद्धि रिजाल : $१००, पिपि: $२००, गोपी: $१००, पुरुषोत्तम: $१५०, गोपी:$२००, अनुशिला: $१०० ।
विशेष गरि नेपाली विद्यार्थीका हरेक सुखदुखमा साथ र सहयोग दिदैँ आएका स्याम नेपालीले कोभिड-१९ को त्राससगैँ जागिर गुमाएका र दैनिकी चलाउन मुस्किल परेका नेपाली विद्यार्थी मारमा नपरुन् भन्ने लक्ष्य सहित सो राहत प्याकेज सार्वजनिक गरेका थिए । भिक्टोरिया स्टेट पुन: कोरोनाको दोस्रो छाल आएसँगै लकडाउनमा छ । दिनदिनै संक्रमितको संख्या बढ्दै गएकाले स्याम नेपाली कल्याण कोषले सहयोग स्वरूप नयाँ प्याकेज ल्याउने तयारी गर्दैछ ।
