फ्रेन्च क्लब पेरिस सेन्ट जर्मेन (पीएसजी) ले च्याम्पियन्स लिगको बाँकी खेल क्लबका सर्वाधिक गोलकर्ता एडिन्सन काभनी रडिफेन्डर थोमस म्युनिएरविनै खेल्नुपर्ने भएको छ ।
काभनी र म्युनिएरले थप दुई महिनाको सम्झौता नगर्ने बताएपछि पीएसजीले यि दुई खेलाडीविनै च्याम्पियन्स लिगको बाँकी खेलखेल्नुपर्ने भएको हो । यस्तै अर्काे सेन्टरब्याक ब्राजिली थियागो सिल्भाले पीएसजी छाड्ने बताइसकेका कारण उनले पनि च्याम्पियन्सलिग नखेल्ने सम्भावना छ ।
पीएसजीले कोरोना भाइरस (कोभिड–१९) को महामारी अघि नै च्याम्पियन्स लिगको क्वाटरफाइनलमा स्थान बनाइसकेको थियो ।मार्चमा भएको च्याम्पियन्स लिगको प्रि–क्वाटरफाइनलमा जर्मन प्रतिद्वन्द्वी बोरुसिया डर्टमुन्डलाई पराजित गर्दै क्वाटरफाइनलमा स्थानबनाएको थियो । पहिलो लेगमा २–१ ले पछि परेपनि दोस्रो लेगमा २–० को जितसहित समग्रमा ३–२ को जित निकाल्दै अन्तिम आठकोयात्रा तय गरेको थियो ।
युरोपियन फुटबलको सर्वाेच्च निकाय (युइएफए) ले यो सिजनको च्याम्पियन्स लिग अगस्टमा पोर्चुगलको लिस्वनमा गराउने निर्णयगरेको छ । प्रि–क्वाटरफाइनलको दोस्रो लेगको बाँकी चार खेल ७ र ८ अगस्टमा तथा क्वाटरफाइनल, १२ र १३ अगस्टमा, सेमिफाइनल१८ र १९ अगस्टमा तथा २३ अगस्टमा फाइनल गराउने निर्णय गरेको छ ।
पीएसजीका स्पोर्टिङ डाइरेक्टर लियोनार्दाेले यसअघि क्लबका लेजेन्डद्धय काभनी र सिल्भा फ्रि एजेन्टमार्फत क्लब छाड्ने बताइसकेकाछन् । उनीहरु दुवैको सम्झौता यसै जुनको अन्त्यसँगै सकिदैछ । २८ वर्षे बेल्जियन राइट ब्याक म्युनिएर पछिल्लो समय जर्मन क्लबबोरुसिया डर्टमन्डसँग जोडिएका छन् ।
