जेठ ३० शुक्रबार -कोरोना भाइरस महामारी रोक्न लकडाउन गरेको ८१ औं दिन आइपुग्दा नागरिकस्तरबाट सरकारका कामको विरोधमा देशका विभिन्न ठाउँमा प्रदर्शन भएको छ। काठमाडौं, पोखरा, चितवन, धरान, वीरगञ्जलगायत देशका विभिन्न ३० सहरमा नागरिकस्तरबाट सरकारको विरोधमा शान्तिपूर्ण प्रदर्शन भयो।
प्रदर्शनकारीको माग कोरोना व्यवस्थापनमा सरकार प्रभावकारी र संवेदनशील र जवाफदेही भएर अघि बढोस् भन्ने हो।
चितवनमा यो प्रदर्शनमा थुप्रै सहभागी थिए। उनीहरू ‘कोभिड-१९- चितवन- इनफ इज इनफ’ नामको फेसबुक पेजबाट एकबद्ध भएका हुन्। यो पेजमा हालसम्म १३०० भन्दा बढी जोडिइसकेका छन्।
उल्लेखित विवरण अनुसार यो पेज सरकारलाई कोरोना भाइरस लडाइँमा प्रभावकारी भएर लड्न चितवनबाट दबाब दिने उद्देश्यले बनाइएको हो। त्यस्तै यो अभियान राजनीतिक नभई स्वतन्त्र युवाहरूको भएको पनि उल्लेख छ।
