काठमाडौं, जेठ २९
जर्मन लिग बुन्डेसलिगाको उपाधि नजिक पुगेको बार्यन म्युनिख जर्मन कप फुटबलको पनि फाइनल प्रवेश गरेको छ । गत राति भएकोसेमिफाइनल खेलमा बुन्डेसलिगा टोली फ्रान्कफुर्टलाई २–१ ले हराउँदै बार्यन उपाधि नजिक पुगेको हो । अब बार्यले उपाधिका लागिबायर लेभरकुसेनसँगको भेट पक्का गरेको छ ।
आफ्नो घरेलु मैदान एलियन्ज रंगशलामा भएको खेलमा बार्यनलाई कपको फाइनलको बाटो देखाउनेक्रममा स्टार फरवार्ड रोवर्टलेवान्डोस्की र इभान पेरिसचले १–१ गोल गरे । उता, फ्रान्कफुर्टका लागि ड्यानी डि कोस्टाले १ गोल फर्काए ।
निकै प्रतिस्पर्धात्मक बनेको खेलमा बार्यनलाई खेलको १४औं मिनेटमा पेरिसिचले अग्रता दिलाएका थिए । उनले थोमस मुलरको पासमागोल गरेका थिए । उनकै गोलको मदतमा पहिलो हाफमा बार्यनले १–० को अग्रता बनायो ।
त्यसपछि खेलको ६९औं मिनेटमा फ्रान्कफुर्टका लागि डि कोस्टाले गोल गरेर खेल १–१ बनाएका थिए । तर, ७४औं मिनेटमा बार्यनकालागि लेवान्डोस्कीले गोल गरेपछि सोही गोलको मदतमा बार्यनले खेल २–१ ले जित्यो । लेवान्डोस्कीले जोसुवा किम्मिचको पासमा गोलगरेका थिए ।
अब कपको फाइनल खेल आगामी जुलाई ४ तारिखमा हुनेछ । लेभरकुसेन मंगलबार भएको खेलमा चौथो श्रेणीको टोली साब्रुकेनमाथि३–० को जित निकोर फाइनलमा पुगेको थियो । बार्यनले आजसम्म १९ पटक कपको उपाधि जितिसकेको छ । ऊ यसपटक २०औं पटककपको च्याम्पियन बन्ने दाउमा छ ।
