नेपालको पुर्बमा पर्ने हिले धनकुटा जिल्लामा अवस्थित एक मुख्य पर्यटकिय स्थल हो। कोशी अन्चलको धनकुटा जिल्लाबाट करिब १३ किमीको दुरीमा अवस्थीत हिलेलाई नेपालको दार्जिलीङ भनेर पनि चिन्ने गरिन्छ।
हिले बजार समुन्द्रिक सतहबाट करीब १,९५० मीटर उचाईमा अवस्थित धनकुटा नगरपालिका वडा नं. १ मा अवस्थीत छ। कोशी राजमार्गले छोएको हिले बजारबाट पुर्वका जिल्लाहरु तेह्रथुम, भोजपुर, सङ्खुवासभा जाने सडक पनि यहाँबाटै छुट्टिएको छ। धनकुटा जिल्लाको रमणीय बजार हिले एउटा व्यापारीक केन्द्र पनि हो। मिस्रीत जात जाती बसोबास गर्ने हिले बजार शिक्षा, अर्थ, स्वास्थ्य सबै कुराले सुविधा सम्पन्न एक उदाउँदै गरेको पर्यटकिय स्थल हो।
यहाँ पर्यटकहरूकालागि सुविधाजनक होटल, लजहरू उपलव्ध छन्। वर्षैभरि चिसो हावापानी रहने हिलेमा पनि चिसो वातावरणमा रमाउन चाहने मानिसहरू वर्षै भरी आइरहन्छन्। पारखिहरूका लागि हिलेको “तोङवा” र सुकुटी प्रशिद्ध छ। यहाँ आक्रषक वौद्ध गुम्बा पनि छ। तेह्रथुम जिल्लाको बसन्तपुर यहाँबाट नजीकै पर्छ भने उत्तरपानी र पाख्रिबास झनै नजीकै पर्छन।
